Allahu akbar2x walillahil hamd
Tena kan siratang kanang2 lani pau,passangngalli kana sukku pammujita ri karaeng malompoa,kana malabbiri angngimbolong makna masarro malompo,ammujiki nasaba ataki ri karaeng angjuasai tasse’re2a ,karaeng sireatanga nisomba,nipappalakki siagang nipakkusiangngi allo bangngi.
Tena nasiapa sallona laingeseng waktua siagang keadaanga,sangkamma nia injai tabbayang2 sumanga’na bulang rumallanga.Naiyyannajia apami lani gaukang,allalomi bulag rumallanga tamappala kana na’lampa,tamappara misi namammoterang,nasalaimaki ala siapa jaina gau baji.
Anne allo a,allo masarro malabbiri,allo pa’lappassang sunggu namabaji,allo natayang tau matappaka,mappaka bani kale ri karaeng Allah Ta’ala.Allo napajjaria karaeng Allah ta’ala assipakarannu2 risesena tau matappaka siagang umat islamnga sipampang lino.
Rianne kamma,anne alloa akkumpulu’mi sikamma ummat islamnga sipampang lino,a’rappungang suara ta’muri2, appakalompo takabbere’ se’re kana nijului,takabbere nabassukanga lila annarrusu ri ati maci’nong,angngerang dinging2.
Rikajariang kammayyami anne ,naki gassing tassunge’nge’,dinging2 pa’maetta,tugguru’ je’ne matanta,lanri niu’ranginna rewasa lebballaloa.Inaimo ati tangnga pace,tangnga dinging2 pa’mae’na,katenapa nasiapa sallona ripa’lappassang allaloa,se’rea baine siagang nginji bura’nenna,se’rea anak sipammempoang nginji tau towana,anne kamma taenami risa’rinta,tanni cinikami rupanna tanni langngeraami sa’ranna,bellami ripassimbangenta,kalingkami ri anja,a’limbammi ri padataring,ripa’rasangang mannannungang tamania labbusu’na,sileo’mi rannu nyawayya,rannu nasaba niakki battu assambayang pa’lappassang hari raya anne alloa.
Allahu Akbar2x walillahil hamd
Sitinajami nisukkuri sikamma pappinyamanna Allahu Ta’ala,nasaba ilalanna anne alloa akkajariangi 3 rupanna gau malabbiri,risesena ikatte umat islamnga iyyami antu:
1.Appassilennarang rokkong maka limana agama islamnga,iyyami antu,hajjia ri baitullahil haram,risesena tau niaka nisare pakkulle ri karaeng Allahu Ta’ala anne taunga.
Risubangngi ri pissalapanna bulang hajji,sikamma ja’ah hajjia,nia ngasemmi nisare izin ri Allahu Ta’ala,akkumpulu ri padang arafah,ampassukkuki ibadah hajjina untuk anggappai hajji mabrurka,naboya,nanatuntungi janjinna Nabbita SAW rinakanana:
“ALHAJJU MABARUR LAISA LAHU JAZA AN ILLAL JANNAH”
Naiyya hajji nitarimayya,tena maraeng pabbalasa’na passangngalinna suruga.
2.Niaki nipaka berui pangngu’ranginta mange ri sejarana pangngulunta Nabbi Ibrahim AS.rigau nia’na ero’nasamballe anakna ismail as.
Nabbi ibrahim towami nataena memang anakna,sanggenna appala ri karaeng Allhu ta’ala anak shaleh,anak baji ampe,tutu ripanggaukang,sangkamma nakanana Allahu Ta’ala ilalang ri Qur-angan malabbirika angkanaya:
“RABBI HABLI MINASSHALIHIN”
E…Karaengku Allah Ta’ala sareang tonga anjo mae anak shaleh bajika ampe-ampena.
Nitarimami pappala’na Nabbi ibrahim ri Allahu Ta’ala,nipaka rannu2 nipadongkoki anak shaleh,masarro sabbara turu rinakanana Allah Ta’ala:
“FABASSYARNAHU BIGULAMIN HALIM”
Kupaka rannu2i nabi ibrahim nasaba anak shaleh masarro sabbara.
Narapi’namo akkale rungka nabi ismail as,niso’nami ri manggena ilalang tinrona,nisuro samballe kurubang anakna ismail ri Allahu Ta’ala,apaji namambangummo nabbi ibrahim ritinrona namakkana mange ri anakna assierang je’ne mata angkanayya:
“YA BUNAYYA INNI ARA FIL MANAMI ANNI ASHBAHUKA FANSHUR MASA TARA”
O….Anakku ismail,cahayanako matangku,rapponnako atingku,parammata tamallajjuku,cincin tamaonako pa’maekku,runtung keloro nyawaku anak,ru’rusu rappo atingku,riwaktu lantang bangngia kuso’nako kusamballe anak,tangaraki baji2,ante kamma panggappanu,saying pacceku,susa ri pa’risikku.
Nabbi ismail nasaba anak shaleh,maturu ri tau towa,anak mappilangngeri,taena nalabbu nawa-nawanna,tarrusu langsung napiwali tau towana angkanayya:
“KALA YAA ABATI AF’AL MA TU’MAR,SATAJIDUNI INSYA ALLAHU MINASSHABIRIN”
O…Mangge tumappajjariku,inakke anne anak lebbajja taena,kaikatteji passabakkeng naku nia,kigaukangi apa naparentangki Allah Ta’ala,Insya Allah kicinijji antu kasabbarrangku.
Riwaktu ero’namo nasamballe anakna,napauwangmi bainenna Nabi ibrahim nikanayya stti hajar,sollanna nanapapakei ismail pakeang kaminang mabaji.Lebba’namo nipapakei ismail ri amma’na,nierammi a’lampa ri tampa’ pannyamballeanga niarenga mina,nampa napatinro anakna rigau nia’na akkalengkeng,Sebelum tenanapa nanabesoki bassia ibrahim,ammoliki pappasang ismail ri manggena angkanayya:
1.O…Manggeku,sikko bajiki ruwayya limangku siagang bangkengku,naki jarreki
passikko’na,sollanna natena kuggio’ riwaktu kisamballeku,
2.O…Manggeku.Kipadundui rupangku naung ri buttayya,sollanna natena nammassa
pa’maetta anciniki tanjakku.
3.O…Manggeku,kijagai pakeanta natea lalo natabbassiki cera’ia saba passabakkeng
nakurang pahalata,natena todong nammassa nyawana ammakku anciniki cerakku.
4.O…Manngeku,kitarangngi laloi bassinta,siagang tettereki kibeso punna
kisamballea,sollanna natena nasallo kupassa’ringi pa’risinna bassinta kodong.
5.O…Manggeku,kierangngi ammakku anne bajungku,nanapare kenang-kenangang
pallawa nakku,punna niaka nau’rangi.
6.O…Mangge,teaki pabbeangngi nia anak-anak sillompoku mange riballa,sollanna
natena nasallo napisa’ringi pace nyawana ammakku.
Riwaktu lebba’namo napau ismail anne pappasanga,appisonami anne ruwayya mange ri Allah Ta’ala.Nabeso’mi bassi ri kallonna ismail,Tiba-tiba terjadilah peristiwa yang luar biasa,pisau yang tajam tidak mempan pada leher ismail.Kammami anjo pabbalasa baji’na tau niaka attojeng-tojeng anggaukangi parentana agamayya.
ALLHU AKBAR 3X WALILAHIL HAMDU
Lanri kammanami anjo ,mannannungangki appakalompo toddo puli,kitangkasa rig au dosa,kisipakainga rig au narellaiya karaeng malabbirika namangngamaseang.
Allah berfirman dalam Al-Qur’an surat Hud ayat 112
“Apaji nanu toddo puli lalo rikatojengang,ri apa lebba niaka napassurowang mange ri kau,siagang tau matobaka,nutea lalo ta’liwa-liwakki,sitojeng-tojenna karaeng malompoa masarro naissengi ri apa niaka nigaukang.”
Riwaktu kammayya anne,susami niboya oloang kana tojenga,sukkara’mi nigappa rurunganna gau angngeranga kabajikang,nicini’mi gau tassiratanga nicini,assallerang tommo gau tuna taniaka siri’na,ajjari tunipinawangmi gau salayya,ajjari jarummi teka’kodiya,ajjari pintala’tommi tau jekkong nawa-nawayya.
Massing kicini’mi pabbottianna,lunturu’mi pangngajara’na agamayya,sareaka kaburu tommi,attimbo ruku’mi sipat kodiya,rapang pippisi ri bosi-bosia.Nicapa’mi pakkale tutuna tupanritayya,tanni pilangngeriami pangngajara’na tucaraddeka,biasa tommo nipassama turuki jekkong nawa-nawayya,kanarapangi kalenna mami paling kammayya.Apami sallang kajarianna,maraeng tojemmi pakkalinoanga,bajika nikana kodi,kodiya nikana baji’.
Lanri kammanami anjo tamakkulleaki lari rikajariang kammayya anne,antamakki attangnga naki ajjari jarum kalli,ajjari pangngala tenannibangka,appaenteng kana tojeng,anggaukang gau baji’abbulo sibatang a’lammang sitongka-tongka,ampasalamaki pa’rasanganta bori pammantanganta.Mae maki naki lappa bajunata,ambunduki gau salayya,ampaentengi agamata,naki tea takkaluppai ri tallasa pakkalinoanta,sollanna kibella battu ri tuna kasi-asia,nipare tete salama ri allo ribokona ALLAHU TA’ALA.
Riwaktu kamma-kammaya anne,massing kikuta’nammi kalenta,anjo koruptorka pammarimi kabiasanta,siratammaki tattinro amboyai timungang passulukanna kamponta,negarata,battu ri majaiya masa’alah.
Iyyanu sallang nicarita,nai katte kamma tonja,iyyanu sallang nicalla nakalenna tanna asseng,a’manang-manang maki ambantui tumapparentata,ampaka bajiki daerata kampong kajarianta.
KAUMMUSLIMIN DAN MUSLIMAT YANG BERBAHAGIA
ALLAHU AKBAR3X WALILLAHIL HAMD
3.Maka tallu kajariang malabbiri anne alloa iyyami antu appabattu sambayang pa’lappassang secara serentak risipampanna linoa risesena agama islamnga.Anne alloa allo sipakarannu-rannuna tau matappaka,allo sipammopporanna risesena tau dosayya riparanna rupa tau.Pappagilinna tau teayya,pappasailena tau mabbokoa,pakkio’na tau a’lampayya,pappakainga’na tau a’lampayya.Anne todong alloa,namassing kiu’rangi ngaseng dosata ri paranta rupatau,singkamponta,seppe ballatta,terutama dosayya mange ri ruwayya tau towata.Anne todong alloa nabiasa nipammattikang je’ne mata,nipannassallang kale,battu ri dosata riruwayya tau towa.Kabiasai nia tau towa pa’risi nyawana tanni jampangi ri anakna,susa simpungi iyyamma kodong tanni saile ripa’lappassanga anne,nau’rangi tongi iyyamma kodong je’ne susu pappakalompona,je’ne mata papparakainna,nau’rangi iyyamma kelong pappatinro ri anakna.
Assengi ke’nang bahwasanya Rasulullah SAW bersabda:
RIDHALLAHU FIIRIDHAL WALIDAIN WASUHTULLAHU FIISUHTUL WALIDAIN.
“Naiyya rannunna Allah Ta’ala taggentungi battu ri rannuna ruwayya tau towa,siagang naiyya paccallana Allah Ta’ala taggentung tongi battu ripaccallana ruwayya tau towa”
Inai-nai tau doraka ri ruwayya tau towana :mannannataggalaka annekkere ngaseng,sikamma naonjoka runtungi,rappa’kacayya natepo’ ayokayya,reppe’bayao tanni saile ri jangang-jangang,timpung dalle’na tanga nai jalamma’na,tamanggappa kasalamakkang rilino tulusu mange ri akhirat.
Maeki naki angngalle pappilajarang malompo rise’rea kissa akkajarianga rewasa attallasa’na kinja Nabbita Muhammad SAW.
”Pada zamanRasulullah SAW hiduplah seorang pere mpuan yang ditinggal mati oleh suami nya.Anne ba ine nibokoi ribura’nenna dalam keadaan hamil.Ia ka manne lassu anakna sitau bura’ne iami niareng AL QAMAH ,ANNE ALQAMAH NIA’MI nipiara ri amma’ na dalam keadaan susah payah.ibunya sendiri yang membanting tulang untuk mencari nafkah demi ke langsungan hidup anaknya alqamah.Allo bangngi ammakna appala doang ri Allah Ta’ala sollanna anjo anakna sallang anjari tau bajik,ajjari tau shaleh sia gang ningai ri tau.Natalebbakkai anjo amma’na ap pala doang passangngalinna acconcoroki je’ne ma tanna. Setiap sang ibu berdoa kepada Allah Swt., terbuka tujuh lapis langit, menembus arsy kursyi dan para malaikat bersujud kepada-Nya dan berka ta, “
O…Karaengku Allah Ta’ala taena naku ero amba ngun ri sujjudku punna tena nanu tarimai papala’na anjo atannu.Sanggenna lompo2i alkamah nia’mi ak kale rungka niattommo baine naurang assikeroki, apji nani pabbuntimmo riamma’na alkamah.Anne bainenna alkamah iami cantik,iami tinggi derajadna ia tommi pole sanna kalumannyangna. Nakarena kalumannyangna siagang tinggina derajadna nater batasmo pergaulanna ri masyakatka,tenamo naero najalling tau kasi-asia,teamaki kana tukasi-asi lana jalling kamanna bela-bela singaina lagi naterbatas. Naiya ajjaria towananna hanya para pejabat tinggi, tau kalumannyangaji siagang tau terpandangaji. Lanri sangnging tau tinggi pangkatna biasa ambattui’I,nasiri-siri’mo Alkamah ri aganna punna nia tau towa-towa ri balla’na.Apaji nania’mo ri nawa-nawanna Alkamah untuk napapparekang amma’na balla’-balla koko kanjo mange ri cappa’ kamponga.Apaji nanasuromo amma’na a’lampa jore ri balla’ napammantangia nanaerang mange ri anjo balla beru napareka.Maka disanalah ibunya tinggal seorang diri,tena naero angnganre,tena naero attinro napikkiri apa ia lebba nagaukanga anakna mange ri ia.Tetapi Sebagai seorang ibu tentu saj tidak terlepas rasa kasih dan sayang pada anaknya sendiri walaupun anaknya niaki lebba nipa’risi atinna.Apaji namangemo amma’na ri anakna nasaba nakku’dudui ero assicini,Battui mange assipadang tongi pole nia’na towananna Alkamah.Apaji natulusu’mo antama amma’na riballaka,nakanamo towananna Alkamah:Inai anjo sumpaenga Alkamah? Nakanamo Alkamah,tau jore’mange ri boko ballaka mangka biasai mae kanne appala-pala.Bajik nalangngere’na amma’na anjo kanayya mingka tenaja naero akkana-kana,napurusujji barambanna.
Sampe-sampe kammanjo nia’mosse towananna Alkamah,ammalo missedeng amma’na assulu ri timunganga,akkuta’nammi anjo owanayya ri alkamah angkana :Inai anjo ammaloa alkamah? Nakanamo alkamah :tau kanjo mange riboko ballaka mingka tuli maei kanne appala-pala.baji’misse ng nalangngere’na amma’na anjo kanayya mingka tena kijapa nakkana.tapi nakana ri atinna punna napakamma kinja’a alkamah lakkanama mange ri ia.
Tenapa na’lampa anjo towananna alkamah nani a’mosse battu towana beru.Ammempoi naung towanna,antama misseng ri kale ballaka amma’na,nakkuta’nammo anjo towana beru battuwa ri alkamah angkana: Angngapai nania tau beru kucini alkamah? Inai anjo?
Nakanamo alkamah:Papala-pala.
Apaji ka anne ammaka tenamo nakkulle natahang je’ne matanna,namangemo assaleporo naung ri sampingna kaderana alkamah nanakana ri anakna:
O…anakku alkamah talebbakai ku so’na angkan lanu pakamma anne amma kalennu.
Riwaktunnu antu kulassukang anak,matea mami taku cini.Lassukko assulu abbattang daserde,kupasusuko,kusoiko kanre,kupainungiko je’ne.Antaku pattinro-tinroangko antu anak kai kau kupabboyang tallasa,ka manggenuji antu nataenamo rilino.
E…Anakku tau kupurusukko antu,tau kubongkangko lamu’nu punna tinroko,.tau kurakakkontu anak punna battu bosi lantang bangngia, tau kukalepekko antu punna battu gunturu danniaria.Caddi-caddi dudu kinjako antu anak,kamma kinjai kangkang ulunnu,naku erammako nai naung ri tuka’na tauwa,kupabboyangko patteteang sollanna nutea angngarruki,kapunna angngarrukko inakke loko nyawaku,punna garringko inakke karokong-rokongang.
E…Anakku,rapponnako antu nyawaku,kuanggakko parammata ri atingku,tau kuparekko belo-belo irate balla,manna kuso’na pintujung ,takusambari’i sikali punna nia passanna-sannaku kana lakammajinne pabbalasa’nu mae rinakke.
Kamma-kamma anne anak lammotere’ma,jagai kalennu,punna upakko assicini kinjaki ,mingka punna cilakako,ikau mate taku cini inakke mate tanu cini.
Apaji nammotere’mo amma’na mange ri balla’na tajjere-jere lumu kalenna nanawa-nawa panggaukanna anakna.Tena nasallo pakkalumannyanganna alkamah sudah mulai berkurang,tenamo nani anjari usahana,olo-olo’na jai mate,alkamah nibattui tommi rigarring.Se’re waktu ,ALKAMAH sanna dudumi ri garinna,mingka tena naero a’lampa nyawana sallo tattoyang-toyang,tena nattallasa’tena todong namate,walaupun sudah dibacakan surat yasin berkali-kali tamat.
Nania’mo akkana tau tabbalaka angkana pauwangi baji Rasulullah SAW.Mangemi nipauwang Nabbita SAW,battui mange Nabbita akkuta’nammi angkana apakah niakkiji amma’na? Nakanamo tauwa niakkinji Rasulullah,nakana Nabbita mangeko amboyai amma’na,battui mange paboyayya riballa’na amma’na nakanamo anjo paboyayya:mangeki ri anatta sannaki garrinna,nakanamo amma’na tenamo amma’na Alkamah.Inakke assaggaja ri garrinna mingka garringangngangi pole atingku lanri panggaukanna siagang kananna mae ri nakke.
Ammotere’mi paboyayya nanapau ri Nabbita kananna anjo amma’na alkamah,nakanamo Nabbita mange kinjako amboyai.A’lampamisseng paboyayya mange ri amma’na alkamah mingkananna amma’na alkamah assangkammaji sumpadeng ri pertamana.Ammotereki paboyayya nanapau ri Nabbita anjo kanayya,Apaji nanakanamo Nabbita SAW mangekinjako amboyai pauwangi angkana punna pale teaki battu rigarrinna,tea tongki battu ampammopporangi,battu mamaki anciniki punna nitunumo pepe’ ri Nabbita.
Mangemissede paboyayya napau kananna Nabbita ri amma’na alkamah angkana:punna teaki bede ampammopporangi anatta,naki tea todo anciniki garrinna,mange mamaki naki ciniki nitunu pepe’ri Nabbita.
Demi cinta dan sayang seorang ibu, maka datanglah sang ibu, duduk didekat Rasulullah memandang anaknya yang akan dimasukkan ke dalam api. Namun apa yang terjadi, baru akan diangkat tubuh Al Qamah maka berkatalah sang ibu, “Anakku....anakku....anakku AL Qamah. Saya maafkan dosa-dosamu kepadaku. Ketika itu pula maka Al Qamah menghembuskan nyawa yang terakhir setelah sekian lama mengalami sekarat”
ALLAHU AKBAR3X WALILLAHIL HAMD
Lanri kammana minjo maemaki naki tuli nia ampappala doangangi ruwayya tau towata angkanaya:ALLAHUMMAG FIRLI WALI WALIDAYYA WARHAMHUMA KAMA RABBAYANI SAGIRA
O…karaengku Allah Ta’ala pammopporangi dosaku siagang dosana ruwayya tau towaku nanu kamaseang tongi sangkamma todo batena angngamaseang mae rinakke riwaktungku cadi-caddi.
-Ikatte tau towayya,anjo anak jari taunta,panrannuangi rikatte battu ri karaeng Allah Ta’ala,teaki lanre appainga ri anatta,kagassing nirannuang a’lampa assikola,nari balla’naja aganna abbayu acara,ripasarakaji ammenteng tanni asseng panggaukanna,kipajjari laloi anakta anak shaleh bajik ri ruwayya tau towana.
-Ikatte bainea bentennakintu kamponta,bentennki antu negarayya,belo-belonaki lino,teaki eroki najina pammarakinna bura’ne baji’ kanayya nariboko amma’risi,apami kajarianna punna na allemo tassiratanga na alle,kalebbakanna abbkoji lampana,sassa’lalang tamattappu’mi sallang kalenta,garring taena balleanna,erokki mate natea a’lampa nyawana.
-Ikatte ngaseng anak mudayya,iktte antu penerusnaki agama bangsata,sallang lanatabaki pakkuta’nang ri allo ribokona Allah Ta’ala,kemae kilabbusu masa mudata,kipare laloi masa mudata gau baji’ amala shaleh,kanang-kanangi nisabbu punna bajiki gautta,lammoroki niu’rangi punna sukku agamata,manna sallo matenta tulinipau nibicara kinjai ampe-ampe mabajitta.
Tidak ada komentar:
Posting Komentar