Oleh : H.Lahamuddin Magga
Allah taalaji malompo iaji masarro kuasa iaji masarro matinggi. Rahmat kammayatompa pangngamaseangna allumpa-lumpa tamaona pannuluna rikambe baji tassitau-tau kammayatompa mae ikambe ma’arenga golongan iyareka nabangsa, apaji naki nia’lalo sukkuru ma’nannungan tenaya passanggaengna rikaraeng Allahu Taala.
Risumbangngi iji appakaramula tarassoso’na matanna allowa risa’ra’na dallea nampami butta sibeleng ri lebba’na mangaribi sanggenna lantang bangia nanilangngere sa’ranna takabbere, tahallelea sisambung-sambung sibali-bali, nasissingan romang lantang nadakkai moncong tinggi annarrusu ati taccakko ampantamai pa’mai takalaherang.
Sisiki iraya tabbongkara ngasemmi ke’nanenga massing-massing riballa’na nanaummo ri tuka’na, attoa ritontonganna asse’re massing ri parang lakkenna. kammamami kaluara a’limbua battu ri kali’bonna, ase passu pakkarea’na gunturu pangngulapa’na sa’ra bani pammuranna. ummat islamnga anne allowa.
الله اكبر… الله اكبر… الله اكبر…
Ri anne allowa ri bari’basa dudua niaya’maki asse’re a’rappungan ri tampa mala’birika anne kinia’mo battu ammempo, ma’jijiri sa’ge lamburus nicini barrisitta, massing tassimbara’mo nicini rupanta, nicini kabuyu-buyu cahaya ribarambanta nirurungan kakkala muri-muria.
Annengrengmi doketta annekkere ati caddita allangngereki takabbere tahallele nalanri nikasu’manna kalenta ata tuni pa’jari.
Ma’nganro-nganroi ke’nanenga anne alloa battu abbannan kebo a’mata jarung ampasimatai pandallekanta tappang kanaya, nia’ngasengi atantan karaeng ala’ baine-bura’ne, ana’-ana tau toa , tau lolo tau rungka malabbiri natuna. battu ngasengi angngada ampakatunai kalenna empo ritallasa’na , nasaba’ ikatteji Karaeng malompoang nasikamma ma’gauka.
Cini’ ngasengi atanta battumi ripakkiyo’ta niya’mi ribirittata na’tungka na’tunru ngaseng atinna namarannu pa’mai’na mannyorokana nanammuji tamattappu. sukkuru ngaseng atanta karaeng ri anne kamma ninanro ngasengjaki anrapikangi sipatanna bulang sawwalaka allo pa’lappasang rumallanga allo pa’la’passang pittaraka. nalanri pangamaseanta assareki umuru mala;bu nasaba jai saribattangta sipammempoang ngijaki risitaung sibuntulangijaki ribulang allaloa, sibonga-bongai ijaki riminggu rile’baka , accarita ijaki risubangngia mingka anne alloa taenami ritampak anne nasaba narapi’mi ajjala’na ganna’mi umuru’na battumi ero takasimbanganna Allahu ta’ala jammemmi lingka ri anja salengomi makkambu kayu a’lampami tamammoterang abboko tamammalian.
الله اكبر … الله اكبر … الله اكبر …
ِAnne allowa allo malompo namatinggi allo mala’biri nani karannuang lanri kammanami anjo, na’jaga ma’jompongmo risibatu rangkana lino ia makkana nikanaya ummat islam sawe tasampang iraya ilau itimboro iyara sikuntu bori mate’ne ngaseng bonena marannu ngaseng atinna ampappisabbiangi kalompoanna Allahu Taala.
Nia’ngasemmi ke’nanenga mangungjungi mange a’lappasa massing ammake pakeyang beru, lanyying namatangkassa, iyami nataba kana rassiki parang masigi naccila na’rombongan ngaseng rassiki tampa’ a’julu-julu tasingkamma simuasa ta’julu tappa, nakallu-kallu rasa bau tamona naerang angin nairi’ iri’ sallatang massing anngerang kana malanyying. massing ammempo appasimata, massing ammenteng, abbannang kebo, massing rokko tapping ruanta, massing sujjud tapping ngappatta, sere kana namanangi kalima napajjului, se’re gio’ ni passamai’, masse’re se’reki anne naki ma’rannu-rannu. sangin bungannaki anjaya bucicina padataring ajjari rappoki sallang ri ahera’ allo riboko.
Ri allo akhera sallang napasadiangki Allah Taala rua pammantangan se’re nikana suruga, se’re nikana naraka nasikamma bunga kalumenga bucici sarakatiyanga rappo olokanga langsungi ni pantama ri naraka sangkamma hukkungan ri sikamma panggaukanna. Na iya bunga leburanga bucici kanangkananga rappo tenaya salibangrana langsungi nipantama ri suruga, poro angkasiaki pappinyamanna Allah Taala, sankuntu pa’balasa’na panggaukanta attallaa empo rilino.
Umma Islam malabbirika ngaseng niaka hadere.
Langri kammanami anjo naparalluki kasu’man kitoddo’puli manger ri atinta. ma’nassa sikuntu niyaka ritompo’na buttaya, ribontoa, ritamparanga, niyaka nikaresoi niyalle wassele’na. nika’do nibalanja kammayatompa niyaka nipake, teai ikatte pata, teai ikatte angkuasai, nia’ patanna nia’angkuasai, iya mintu Allah Subhana Wataala.
Apaji naki sitinaja angsukkuri ni;mat pangamaseanna allah taala barangkana teayaki takkaluppai anggaukangi passuroanna akkusiang mange ri’ Ia, naki situli-tulibella risikamma anjo mae gau napappisangkanga, naki sitinaja sipakainga risikamma gau langgeranga sipa kabajikan riparenta tau, na iya sifa’-sipa’ langngeranga kapanrakan siagang kasusang kipakabellai massing rikalengta.
Kipakabellai sipa’takabboroka pa’larroanga kodi sammua, giggilika iri atia, pacalla callaya, bali ballanga, appitinaka, accarita ribokoa natuli ki pakacoppong nikanaya sipa tuna kale, siagan ringan assare-sare, singai sikamaseang kuntu tojeng natoddo’puli .
nasaba’ punna jaimo salimara nigaukang jaimo tau takabboro kurangmi tau angngu’rangi ri Allah Taala gampangi napaturung Allah Taala pangngalarroingna ri katte. napabattui cipuruka a’bami ri majaiya pa’rasangan tallammi kappala je’neka , tuggurumi kappala anribbaka, a’lappomi buluka battumi rongrong lompoa, jaimi balla napa’rasangan a’kanre, talonggangamaki ri kanre, tasempoanmaki ri balanja tenamo nasalewangan katallassanta. iya ngasenna anne sangkamma pappakainga ri katte ngaseng nakana Allah Taala.
Ummat Islam malabbirika ngaseng niaka hadere.
Le’ba’maki anne anggaukan puasa sibulang sallona, amparranngi cipuruka siagan turerea, antahangi tamakkaddoka tamangnginunga riwattu allowa angharanngangi anu hallalaka naung rikalengta riwattu allowa, antahangi hawa nafsuta angngukui larroa angkatutui bawata rikana balle ballea.
Anne allowa nia’ ngasemmaki a’lappasa a’rannu-rannu massing sukkuru mammuji appakalompo mange ri Allah Taala nalanri niatta ngaseng ajjari fitra iyareka tangkasa, nalangri le’ba’namo kipassaleng narang sambayangta , puasata siagang sakka pittaratta, nipasulu’. ri ati macinonta-matangkasa’ta. tana erang sengkarua. na iya sanin ikambe anne anggappa kalabang massaro malompo antarimai pammopporo’na Allahu Taala. mingka niya’ todong anne allowa kamase parangta atari Allah Taala angngani tongi kalenna ummat Islam Ummat ri Nabbi Muhammad Saw, angkangkangi cilakanya. anggappai pangngalarroinna Allah Swt. nasaba’ sibulang tongi ma’masa tuli lalosa, tuli bebasa sangkammaji ri allowa ri bangngia laloasana. laloasai akkaddo, laloasai angnginung iya nakaerokia, riwattu alloa sibulang tongi sallona, tuli nakantisi giginna angnganre pangngisara sikamma nangaiya hawa nafsuna.
laloasa tongi tamanggaukang sambayang riyallo ri bangngi na tau tena salibangrana tena garrinna, tena todong saba maraenna, nasaba’ ke’nanenga antu kurang mallaki na kurang tappa. surang siriki nakurang pangngali riparanna ummat islam.
E…Sikuntu saribattang malabbirikku.
Maeki naki massing kipappala popporang, massing kipa’nganro-angroang ri Allahu Taala saribba’tan Islamta kammaya anne barang nikamaseangi ri Allah Taala nani tiroang atinna nisare hidayah pappijojjo ri Allahu Taala, nammotere’ toba’, na tobakkang gau salana barang ammotereki battu ri pa’lappassanga anne, nangentengammo sambayang barang taungpole ribulang rumallanga labattua nat-tojeng tojeng tommo appuasa nani tarima toba’na ri Allahu Taala ( Taubatan Nasuhah ).
natenaja na toba’ kiti, ka antu kitika tungga-tunggala le’ba’na anyu’nyuru’ paccairang nammuntulu je’ne, ba’lalo naungi antangkasi bulunna nampa mae attingallo massissi sanggenna tangkasa, nampunna tangkasa;mo, nammuntulu paccairang ammoterimiseng naung a’ra’ma’-ra’masa’, tappangkanaya le’ba-le’baki toba ammoteremiseng a’gaukang dosa. Nauzu billahi min dzalik.
Umma Islam malabbirika ngaseng mo’ming matappaka niaka hadere.
Ikambe anne allowa makkana nikananya ummat Islam nia’ngasengi a’lappasa a’rannu rannu nalanri lappasa’namo puasa sibulang sallona nakana nabbita Saw, antu tuppuasaya pingruangi nisare rannu Ri Allah Taala. uru’-urunna rannui riwattu la’bukana, maka ruanna riwattunna sibuntulu karaengna. mingka nia’ todong anne allowa kamase, ikukang pung kasi-asi tama’ anrong tama’ mangge amminawang a’lappasa a’rannu-rannu sibengkoro simpung pa’mai ang kalanta’ bibere’na a’mai lompo nanasapu barangbangna. Ammatti je’ne matanna lonna naciniki paranna anak-anak nirurungan ri manggena ri anrong tullassukanna. massing ammake pakeyang beru. ammemteng mami antapisang urusu’na angkerei je’ne matanna nakana pa’mai’na kadde tallasa iji ammakku nia’ tongija manggeku takam mainne sarengku.
a’dundumi naung nanasapu barambanna nanakana pa’mai’na apa poeng kamma tongi sem sarengku lebba tawaku lebba iya paiyoku.
Riballa’na pun kasi-asi massing attoa’ assallerang anciniki tu maeya a’lappasa kammai tunibasaya je’ne atinna dingin-dingin pa’mai’na ammatti je’ne matanna. kamassing ero’tongi mange a’lappasa kamase natena baju beruna kateyami angkana baju beru akkulle naballi kamanna nambarang bubusu urinna tena todong nasirapi.
الله اكبر… الله اكبر… الله اكبر…
Taukammayami anne parallu nipitugguri pangngamaseang nitanroi passidakka punna nisarei pittara langsungi rannu. atinna nanate’ne pa’mai’na punna nia antangroi passidakka ampi tugguri pangngamasseang nau’rangi sanggenna anja pammajikinta mange ri iya.
Kaum muslimin mala’birika ngaseng niyaka hadere.
Anne allowa allo angngerang pang’ngu’rangi ri wattu kammayami anne nagassing angngurangi anaka, ripakkatuona anrong manggena. nang’ngu’rangi ri kalimbu’na anronna ri danni ariya, labbipa pole lantanna pangngu’ranginna punna ri katallassanna niaki tuli natampassang bombang ka susang na ayukan arussu kapa’risang battumi nakku takkele-kele lanri ero’na sibuntulu angrong tumang lassukanna, ero’ appala popporo rikadosanna. ta’bayammi ammotere pangngainna bura’nenna riwattu ri tallasa’na pangngainna bainenna riwattu ri tallasa’na.
Taki sa’ringami kalengta tassunge’nge’ angkarruki bija ma’reppesetta anak parammata tallasatta, baine bura’ne tuningainta. iya salloamo abboko.
Kiu’rangngimi anatta pammanakkanta niaka ribori mabellaya ma’nassa rumbangmi pa’jempang majarretta nabangka a’ba je’ne mata manakkutta.
Lanri kammanami anjo appatetea pappasang mange ri kambe ngaseng :
Kipajjari laloi tallasatta sangkuntu tallasa’na kalukua. La’bu umuru’na najai matu-matunna. Ka antu kalukua batangna nipaeki benteng nipareki pallangga , assinna nipareki santang, sau’na nakaddarona bajiki nipattunui juku, leko’na nipareki pattongko, nacapiu’na kanang-kanangi nipare pa’barrasa.
Tea’ laloki pa’jjari tallasa’ta sangkuntu tallasa’na kayu pulia punna niya kayu napattimboi a’ku’rasaki leko’na dattuluki bakka’na talentengai bunganna. Punna talintakka nipalesan nabunoi kalebbakkanna.
E… sikamma saribbantangku bai’-bainea
Assengi kalenta ikattemi antu bentenna pa’rasanganta, anne lino nikana pa’belo-belo na’ia belo-belo kaminang mabajika kaminang kabuyu-buyua ikattemintu bai-bainea apaji nakuppasammo rikatte. Teaki sicalla-callai riparangta tau, kagassingi taua kicallayya naikatte sarringangang, iburi accalla naibari sarroangngang, gassing awang nipela pattapian nitarai. Gassingi ikatte appi’ru nakalenta kipi’rui. Teyaki papparekangi tawwa kodi, teyaki carita ribokoi paranta tau, nasaba antu accarita ribokoa sangrapangi tau nakanrea bakkena sari’battanna. Teaki appitinakki nasaba’ antu appitinaka lompoangngangi dosana natummunoa tau tabunoanna.
E … sikamma saribbantanku tau runkaya. Siagan tau loloa,
Malla’ laloki sitojeng tojenna malla’ ri Allah taala. Kipakalabbiriki ruaya taungnganakkanta naiya kaminang parallua nipakalabbiri iyami antu anrong tungnganakkanta. Kaka’deji nataena ammatta ampalli liangki bulang taena antu nakisalama assulu abbattang dasere. Assengi saribbattang, angkanya, riwattunnta natianangngan amatta taenamo kamma ballasa’na tena baji nakasia angngangrei tassipa attingroi tanyamang todong, paunna angngarei kasongeangi nasa’ring, punna attingroi kuntu tukalanggana punna ammempoi a’mai-mai potemami. Posomami pa’mai’na.
Lassukki assulu najampangiki amma’ta, napasusuki, napatinroki, naje’ne’ki sanggenta lompo sa’genta akkale runka.
Bambang-bambangki sikedde namap iya rosokangngan naikatte’ naroyonganki , natarintiki ria allo ri bangngiya, apami anjo lanibalassangi, pammajikinna ruaya tungnganakkannta.
kamanna ambarang nakisareang ngaseng sikamma boya-boyata erang poleta taenapa nasing nganggara’, pammajikinna mangerikatte. Sunggumi riminasanna lebba’mi ri pala’pala-na ruaya tungnganakkanta punna aj-jariki anak sholeh iyamintu anak mannaba gau’na, baji ampe-ampena, baji bongkara bawana, alusu’ kana-kannanna, natuli napappala dowangan ruaya tungnganakkanna baji riwatuna iji attallasa la’bipa ri lebba’namo ammoterang.” Rabbigfirli…?
Saribattangku tau loloa.
Ikatte mintu bunga-bunganna ballatta, belo-belona parangla’kenta, rapponnaki atinna ruaya tungnganakkanta cahayana matanna, rikatte mintu pa’rimpunganna pangngai tama’tappu’na lanri kammana mi anjo naki sitinaja angkatutungangi siri’na, angjagai katuna leleanna anrong manggeta bija pangmana’kanta.
E . . sikamma tau rungkaya.
Ikattemintu bentenna negaraya, pangngala’ kalli’na pa’rasanganta , kipa’jari laloi kalenta kalli majarre, pangngala’ tenang nibangka, jagai naki katutuiang siri’na sari’batannta kaum bai’bainea, ikattejintu antaggalaki poto’na, kapunna ikatte alla’gasi tappela’ mintu sirika gesara’mi ma’naya, tenamo naki sialleang kana, sipammana’kan.
E … sikamma Tunipakala’birikku Tao Toaya,
Kipa’jari laloi kalenta carammeng lompo, conto mabaji, gau mannaba risikamma jari taunta, kinaturuki sikamma gau bajitta.
Kapunna ikatte memang kodi gautta, ampe-ampeta, tena pangngadakkanta, kasara kana-kanannta, ia tommi antu naturuki anatta jari taunta. Kapunna reppeki carammenga taena antu natangkasa rupaya nicini.
E .. sikamma Pammimpinga – pammarentaya.
Ikattemi antu anttaggalaki tappu bicara, ikattemintu pangngulunna pa’rasanganta, angrong-manggena tuma’buttaya. Ikattemi antu a’jari jarum ri sikuntu jama-jamanga, tuma’buttaya sangkuntuji bannang panjai, teyaki pajjari kalenta jarung tippulu, nataiyang, ka antu jarung tippuluka angngekkeki care-care, na’iya jarung taiyanga apparotasaki banning panjai.
Na’ikatte tuma’buttaya punna caraddeki accalla, sadiaki appasaile, sadiaki anjama, sadiaki ammajiki, sadiaki ambantui tuma’parentata. Ka iya biasaya kajarian accallayaji na’asseng, mingka taena naero nabajiki, anu nacallaya.
E .. ikatte pabalu’-baluka, padangganga, pangngusahaya.
Kipakabellai jekkonga balle-ballea, nasaba passawallang kigappaya rigau jekkonga ribai arena, kurangi barakka’na, lompoi pammanrakinna a’lampa salai kalebba’kanna.
Ikatte tossing tau kasi-asia, teaki pakabiasai kalenta appala-pala, sabbarakki ri kasi-asita, ki’kareso sikulleta, naikambe tukalumanyyanga taki gi’gili teaki sibakuki, ka antu giggilika, nasibakuka, appaka bellai pangngai – appakambani pangngurisi, angngurangngi passari’battangngan. Appalesangi barakka.
Ikatte kara’karaenga tau annaggalaka jama-jamang, tau niaka pangka’na. Teyaki tampo teayaki takabboro. Tubaraniya teaki appariyoloi, tau ga’gaya teyaki borro ero’ nikana.
Sari’battanku akkusianga anggaukanga ibadah, tumassam-bayangnga, tuma’ puasanya teyaki ia ero nicini, attayang nipuji ni rampe-rampe nipale’-palece. Nari sesena tau angngassenga teaki lammoro takkaluppa. Inga’-ingakki kikkale tutu ri sala iyanna gau, nai katte muballika, tau abbicaraya, guru-gurua, taki abballe-ballei teaki abbali-ballangi, nasaba sikalijaki abballe-balle situ tu’ nani umurutta, tani paracaya.
Lanri kammanna minjo, nakuppasammo rikatte, sangkamma pattonko kana tea’ laloki tatappa rijunnuka nasatinjaya kasingara’nai’ antu sambayang lima-wattua.
Manna junnu nasatinja, kataena sambayanta rugiji sallang, kasambayang kibattui. Rugiji palwng riyanja, tallang lebba tamammumba, tamang gaukang parallu empo rilino. Sapupalaki riyanja taena kabuntulanna ritatappa’nu risambayang lima wattu. Tappakamo’ anrong guruang nungngunjungi rinia’nu numannojengang panynyomba rikaraengnu takadderangi tubunu risara’ lebba janjinnu numappiso’na atta’gala rikaraengnu. Ingka kau tukammaya iyakana iyagau nutea lalo sisa’la kuntu tojennu.
Saribbattan malabbirikku bura’ne-baine.
Kokohkan ukhuwah islamiya antra sahabat, tetangga, anak yatim-piyatu, sipakir miskin dengan sikaya, orang tua dengan anak, pemimpin dengan sirakyat, dibaya panji – panji Allahu Akbar, dan keadilan yang dilandasi iman dan taqwa sebagai modal yang utama, demi terwujudnya idaman cita bersama adil dan makmur. Badatun Thoibatun warabbung gafur.
Allahumma ya’Allah jadikanlah anak-anak kami generasi penerus yang shalih yang berjihad di jalan-Mu untuk menegakkan kalimat-Mu.
Allahumma Ya Allah, jadikanlah wanita-wanita kami sebagai hamba-hamba yang shalihah, yang senantiasa menutu auratnya ( mamakai jilbab ) selalu manjaga kehormatan diri dan keluarganya sebagaimana yang telah engkau tancapkan sifat itu kepada Syaidah Sitti Fatimah Az –Zahra.
Posted on 05/08/2011 by unaifah
Oleh Ust. Badahara Emba Rahimakumullah
Allah taalaji malompo iaji masarro kuasa iaji masarro matinggi. Rahmat kammayatompa pangngamaseangna allumpa-lumpa tamaona pannuluna rikambe baji tassitau-tau kammayatompa mae ikambe ma’arenga golongan iyareka nabangsa, apaji naki nia’lalo sukkuru ma’nannungan tenaya passanggaengna rikaraeng Allahu Taala.
Risumbangngi iji appakaramula tarassoso’na matanna allowa risa’ra’na dallea nampami butta sibeleng ri lebba’na mangaribi sanggenna lantang bangia nanilangngere sa’ranna takabbere, tahallelea sisambung-sambung sibali-bali, nasissingan romang lantang nadakkai moncong tinggi annarrusu ati taccakko ampantamai pa’mai takalaherang.
Sisiki iraya tabbongkara ngasemmi ke’nanenga massing-massing riballa’na nanaummo ri tuka’na, attoa ritontonganna asse’re massing ri parang lakkenna. kammamami kaluara a’limbua battu ri kali’bonna, ase passu pakkarea’na gunturu pangngulapa’na sa’ra bani pammuranna. ummat islamnga anne allowa.
الله اكبر… الله اكبر… الله اكبر…
Ri anne allowa ri bari’basa dudua niaya’maki asse’re a’rappungan ri tampa mala’birika anne kinia’mo battu ammempo, ma’jijiri sa’ge lamburus nicini barrisitta, massing tassimbara’mo nicini rupanta, nicini kabuyu-buyu cahaya ribarambanta nirurungan kakkala muri-muria.
Annengrengmi doketta annekkere ati caddita allangngereki takabbere tahallele nalanri nikasu’manna kalenta ata tuni pa’jari.
Ma’nganro-nganroi ke’nanenga anne alloa battu abbannan kebo a’mata jarung ampasimatai pandallekanta tappang kanaya, nia’ngasengi atantan karaeng ala’ baine-bura’ne, ana’-ana tau toa , tau lolo tau rungka malabbiri natuna. battu ngasengi angngada ampakatunai kalenna empo ritallasa’na , nasaba’ ikatteji Karaeng malompoang nasikamma ma’gauka.
Cini’ ngasengi atanta battumi ripakkiyo’ta niya’mi ribirittata na’tungka na’tunru ngaseng atinna namarannu pa’mai’na mannyorokana nanammuji tamattappu. sukkuru ngaseng atanta karaeng ri anne kamma ninanro ngasengjaki anrapikangi sipatanna bulang sawwalaka allo pa’lappasang rumallanga allo pa’la’passang pittaraka. nalanri pangamaseanta assareki umuru mala;bu nasaba jai saribattangta sipammempoang ngijaki risitaung sibuntulangijaki ribulang allaloa, sibonga-bongai ijaki riminggu rile’baka , accarita ijaki risubangngia mingka anne alloa taenami ritampak anne nasaba narapi’mi ajjala’na ganna’mi umuru’na battumi ero takasimbanganna Allahu ta’ala jammemmi lingka ri anja salengomi makkambu kayu a’lampami tamammoterang abboko tamammalian.
الله اكبر … الله اكبر … الله اكبر …
ِAnne allowa allo malompo namatinggi allo mala’biri nani karannuang lanri kammanami anjo, na’jaga ma’jompongmo risibatu rangkana lino ia makkana nikanaya ummat islam sawe tasampang iraya ilau itimboro iyara sikuntu bori mate’ne ngaseng bonena marannu ngaseng atinna ampappisabbiangi kalompoanna Allahu Taala.
Nia’ngasemmi ke’nanenga mangungjungi mange a’lappasa massing ammake pakeyang beru, lanyying namatangkassa, iyami nataba kana rassiki parang masigi naccila na’rombongan ngaseng rassiki tampa’ a’julu-julu tasingkamma simuasa ta’julu tappa, nakallu-kallu rasa bau tamona naerang angin nairi’ iri’ sallatang massing anngerang kana malanyying. massing ammempo appasimata, massing ammenteng, abbannang kebo, massing rokko tapping ruanta, massing sujjud tapping ngappatta, sere kana namanangi kalima napajjului, se’re gio’ ni passamai’, masse’re se’reki anne naki ma’rannu-rannu. sangin bungannaki anjaya bucicina padataring ajjari rappoki sallang ri ahera’ allo riboko.
Ri allo akhera sallang napasadiangki Allah Taala rua pammantangan se’re nikana suruga, se’re nikana naraka nasikamma bunga kalumenga bucici sarakatiyanga rappo olokanga langsungi ni pantama ri naraka sangkamma hukkungan ri sikamma panggaukanna. Na iya bunga leburanga bucici kanangkananga rappo tenaya salibangrana langsungi nipantama ri suruga, poro angkasiaki pappinyamanna Allah Taala, sankuntu pa’balasa’na panggaukanta attallaa empo rilino.
Umma Islam malabbirika ngaseng niaka hadere.
Langri kammanami anjo naparalluki kasu’man kitoddo’puli manger ri atinta. ma’nassa sikuntu niyaka ritompo’na buttaya, ribontoa, ritamparanga, niyaka nikaresoi niyalle wassele’na. nika’do nibalanja kammayatompa niyaka nipake, teai ikatte pata, teai ikatte angkuasai, nia’ patanna nia’angkuasai, iya mintu Allah Subhana Wataala.
Apaji naki sitinaja angsukkuri ni;mat pangamaseanna allah taala barangkana teayaki takkaluppai anggaukangi passuroanna akkusiang mange ri’ Ia, naki situli-tulibella risikamma anjo mae gau napappisangkanga, naki sitinaja sipakainga risikamma gau langgeranga sipa kabajikan riparenta tau, na iya sifa’-sipa’ langngeranga kapanrakan siagang kasusang kipakabellai massing rikalengta.
Kipakabellai sipa’takabboroka pa’larroanga kodi sammua, giggilika iri atia, pacalla callaya, bali ballanga, appitinaka, accarita ribokoa natuli ki pakacoppong nikanaya sipa tuna kale, siagan ringan assare-sare, singai sikamaseang kuntu tojeng natoddo’puli .
nasaba’ punna jaimo salimara nigaukang jaimo tau takabboro kurangmi tau angngu’rangi ri Allah Taala gampangi napaturung Allah Taala pangngalarroingna ri katte. napabattui cipuruka a’bami ri majaiya pa’rasangan tallammi kappala je’neka , tuggurumi kappala anribbaka, a’lappomi buluka battumi rongrong lompoa, jaimi balla napa’rasangan a’kanre, talonggangamaki ri kanre, tasempoanmaki ri balanja tenamo nasalewangan katallassanta. iya ngasenna anne sangkamma pappakainga ri katte ngaseng nakana Allah Taala.
Ummat Islam malabbirika ngaseng niaka hadere.
Le’ba’maki anne anggaukan puasa sibulang sallona, amparranngi cipuruka siagan turerea, antahangi tamakkaddoka tamangnginunga riwattu allowa angharanngangi anu hallalaka naung rikalengta riwattu allowa, antahangi hawa nafsuta angngukui larroa angkatutui bawata rikana balle ballea.
Anne allowa nia’ ngasemmaki a’lappasa a’rannu-rannu massing sukkuru mammuji appakalompo mange ri Allah Taala nalanri niatta ngaseng ajjari fitra iyareka tangkasa, nalangri le’ba’namo kipassaleng narang sambayangta , puasata siagang sakka pittaratta, nipasulu’. ri ati macinonta-matangkasa’ta. tana erang sengkarua. na iya sanin ikambe anne anggappa kalabang massaro malompo antarimai pammopporo’na Allahu Taala. mingka niya’ todong anne allowa kamase parangta atari Allah Taala angngani tongi kalenna ummat Islam Ummat ri Nabbi Muhammad Saw, angkangkangi cilakanya. anggappai pangngalarroinna Allah Swt. nasaba’ sibulang tongi ma’masa tuli lalosa, tuli bebasa sangkammaji ri allowa ri bangngia laloasana. laloasai akkaddo, laloasai angnginung iya nakaerokia, riwattu alloa sibulang tongi sallona, tuli nakantisi giginna angnganre pangngisara sikamma nangaiya hawa nafsuna.
laloasa tongi tamanggaukang sambayang riyallo ri bangngi na tau tena salibangrana tena garrinna, tena todong saba maraenna, nasaba’ ke’nanenga antu kurang mallaki na kurang tappa. surang siriki nakurang pangngali riparanna ummat islam.
E…Sikuntu saribattang malabbirikku.
Maeki naki massing kipappala popporang, massing kipa’nganro-angroang ri Allahu Taala saribba’tan Islamta kammaya anne barang nikamaseangi ri Allah Taala nani tiroang atinna nisare hidayah pappijojjo ri Allahu Taala, nammotere’ toba’, na tobakkang gau salana barang ammotereki battu ri pa’lappassanga anne, nangentengammo sambayang barang taungpole ribulang rumallanga labattua nat-tojeng tojeng tommo appuasa nani tarima toba’na ri Allahu Taala ( Taubatan Nasuhah ).
natenaja na toba’ kiti, ka antu kitika tungga-tunggala le’ba’na anyu’nyuru’ paccairang nammuntulu je’ne, ba’lalo naungi antangkasi bulunna nampa mae attingallo massissi sanggenna tangkasa, nampunna tangkasa;mo, nammuntulu paccairang ammoterimiseng naung a’ra’ma’-ra’masa’, tappangkanaya le’ba-le’baki toba ammoteremiseng a’gaukang dosa. Nauzu billahi min dzalik.
Umma Islam malabbirika ngaseng mo’ming matappaka niaka hadere.
Ikambe anne allowa makkana nikananya ummat Islam nia’ngasengi a’lappasa a’rannu rannu nalanri lappasa’namo puasa sibulang sallona nakana nabbita Saw, antu tuppuasaya pingruangi nisare rannu Ri Allah Taala. uru’-urunna rannui riwattu la’bukana, maka ruanna riwattunna sibuntulu karaengna. mingka nia’ todong anne allowa kamase, ikukang pung kasi-asi tama’ anrong tama’ mangge amminawang a’lappasa a’rannu-rannu sibengkoro simpung pa’mai ang kalanta’ bibere’na a’mai lompo nanasapu barangbangna. Ammatti je’ne matanna lonna naciniki paranna anak-anak nirurungan ri manggena ri anrong tullassukanna. massing ammake pakeyang beru. ammemteng mami antapisang urusu’na angkerei je’ne matanna nakana pa’mai’na kadde tallasa iji ammakku nia’ tongija manggeku takam mainne sarengku.
a’dundumi naung nanasapu barambanna nanakana pa’mai’na apa poeng kamma tongi sem sarengku lebba tawaku lebba iya paiyoku.
Riballa’na pun kasi-asi massing attoa’ assallerang anciniki tu maeya a’lappasa kammai tunibasaya je’ne atinna dingin-dingin pa’mai’na ammatti je’ne matanna. kamassing ero’tongi mange a’lappasa kamase natena baju beruna kateyami angkana baju beru akkulle naballi kamanna nambarang bubusu urinna tena todong nasirapi.
الله اكبر… الله اكبر… الله اكبر…
Taukammayami anne parallu nipitugguri pangngamaseang nitanroi passidakka punna nisarei pittara langsungi rannu. atinna nanate’ne pa’mai’na punna nia antangroi passidakka ampi tugguri pangngamasseang nau’rangi sanggenna anja pammajikinta mange ri iya.
Kaum muslimin mala’birika ngaseng niyaka hadere.
Anne allowa allo angngerang pang’ngu’rangi ri wattu kammayami anne nagassing angngurangi anaka, ripakkatuona anrong manggena. nang’ngu’rangi ri kalimbu’na anronna ri danni ariya, labbipa pole lantanna pangngu’ranginna punna ri katallassanna niaki tuli natampassang bombang ka susang na ayukan arussu kapa’risang battumi nakku takkele-kele lanri ero’na sibuntulu angrong tumang lassukanna, ero’ appala popporo rikadosanna. ta’bayammi ammotere pangngainna bura’nenna riwattu ri tallasa’na pangngainna bainenna riwattu ri tallasa’na.
Taki sa’ringami kalengta tassunge’nge’ angkarruki bija ma’reppesetta anak parammata tallasatta, baine bura’ne tuningainta. iya salloamo abboko.
Kiu’rangngimi anatta pammanakkanta niaka ribori mabellaya ma’nassa rumbangmi pa’jempang majarretta nabangka a’ba je’ne mata manakkutta.
Lanri kammanami anjo appatetea pappasang mange ri kambe ngaseng :
Kipajjari laloi tallasatta sangkuntu tallasa’na kalukua. La’bu umuru’na najai matu-matunna. Ka antu kalukua batangna nipaeki benteng nipareki pallangga , assinna nipareki santang, sau’na nakaddarona bajiki nipattunui juku, leko’na nipareki pattongko, nacapiu’na kanang-kanangi nipare pa’barrasa.
Tea’ laloki pa’jjari tallasa’ta sangkuntu tallasa’na kayu pulia punna niya kayu napattimboi a’ku’rasaki leko’na dattuluki bakka’na talentengai bunganna. Punna talintakka nipalesan nabunoi kalebbakkanna.
E… sikamma saribbantangku bai’-bainea
Assengi kalenta ikattemi antu bentenna pa’rasanganta, anne lino nikana pa’belo-belo na’ia belo-belo kaminang mabajika kaminang kabuyu-buyua ikattemintu bai-bainea apaji nakuppasammo rikatte. Teaki sicalla-callai riparangta tau, kagassingi taua kicallayya naikatte sarringangang, iburi accalla naibari sarroangngang, gassing awang nipela pattapian nitarai. Gassingi ikatte appi’ru nakalenta kipi’rui. Teyaki papparekangi tawwa kodi, teyaki carita ribokoi paranta tau, nasaba antu accarita ribokoa sangrapangi tau nakanrea bakkena sari’battanna. Teaki appitinakki nasaba’ antu appitinaka lompoangngangi dosana natummunoa tau tabunoanna.
E … sikamma saribbantanku tau runkaya. Siagan tau loloa,
Malla’ laloki sitojeng tojenna malla’ ri Allah taala. Kipakalabbiriki ruaya taungnganakkanta naiya kaminang parallua nipakalabbiri iyami antu anrong tungnganakkanta. Kaka’deji nataena ammatta ampalli liangki bulang taena antu nakisalama assulu abbattang dasere. Assengi saribbattang, angkanya, riwattunnta natianangngan amatta taenamo kamma ballasa’na tena baji nakasia angngangrei tassipa attingroi tanyamang todong, paunna angngarei kasongeangi nasa’ring, punna attingroi kuntu tukalanggana punna ammempoi a’mai-mai potemami. Posomami pa’mai’na.
Lassukki assulu najampangiki amma’ta, napasusuki, napatinroki, naje’ne’ki sanggenta lompo sa’genta akkale runka.
Bambang-bambangki sikedde namap iya rosokangngan naikatte’ naroyonganki , natarintiki ria allo ri bangngiya, apami anjo lanibalassangi, pammajikinna ruaya tungnganakkannta.
kamanna ambarang nakisareang ngaseng sikamma boya-boyata erang poleta taenapa nasing nganggara’, pammajikinna mangerikatte. Sunggumi riminasanna lebba’mi ri pala’pala-na ruaya tungnganakkanta punna aj-jariki anak sholeh iyamintu anak mannaba gau’na, baji ampe-ampena, baji bongkara bawana, alusu’ kana-kannanna, natuli napappala dowangan ruaya tungnganakkanna baji riwatuna iji attallasa la’bipa ri lebba’namo ammoterang.” Rabbigfirli…?
Saribattangku tau loloa.
Ikatte mintu bunga-bunganna ballatta, belo-belona parangla’kenta, rapponnaki atinna ruaya tungnganakkanta cahayana matanna, rikatte mintu pa’rimpunganna pangngai tama’tappu’na lanri kammana mi anjo naki sitinaja angkatutungangi siri’na, angjagai katuna leleanna anrong manggeta bija pangmana’kanta.
E . . sikamma tau rungkaya.
Ikattemintu bentenna negaraya, pangngala’ kalli’na pa’rasanganta , kipa’jari laloi kalenta kalli majarre, pangngala’ tenang nibangka, jagai naki katutuiang siri’na sari’batannta kaum bai’bainea, ikattejintu antaggalaki poto’na, kapunna ikatte alla’gasi tappela’ mintu sirika gesara’mi ma’naya, tenamo naki sialleang kana, sipammana’kan.
E … sikamma Tunipakala’birikku Tao Toaya,
Kipa’jari laloi kalenta carammeng lompo, conto mabaji, gau mannaba risikamma jari taunta, kinaturuki sikamma gau bajitta.
Kapunna ikatte memang kodi gautta, ampe-ampeta, tena pangngadakkanta, kasara kana-kanannta, ia tommi antu naturuki anatta jari taunta. Kapunna reppeki carammenga taena antu natangkasa rupaya nicini.
E .. sikamma Pammimpinga – pammarentaya.
Ikattemi antu anttaggalaki tappu bicara, ikattemintu pangngulunna pa’rasanganta, angrong-manggena tuma’buttaya. Ikattemi antu a’jari jarum ri sikuntu jama-jamanga, tuma’buttaya sangkuntuji bannang panjai, teyaki pajjari kalenta jarung tippulu, nataiyang, ka antu jarung tippuluka angngekkeki care-care, na’iya jarung taiyanga apparotasaki banning panjai.
Na’ikatte tuma’buttaya punna caraddeki accalla, sadiaki appasaile, sadiaki anjama, sadiaki ammajiki, sadiaki ambantui tuma’parentata. Ka iya biasaya kajarian accallayaji na’asseng, mingka taena naero nabajiki, anu nacallaya.
E .. ikatte pabalu’-baluka, padangganga, pangngusahaya.
Kipakabellai jekkonga balle-ballea, nasaba passawallang kigappaya rigau jekkonga ribai arena, kurangi barakka’na, lompoi pammanrakinna a’lampa salai kalebba’kanna.
Ikatte tossing tau kasi-asia, teaki pakabiasai kalenta appala-pala, sabbarakki ri kasi-asita, ki’kareso sikulleta, naikambe tukalumanyyanga taki gi’gili teaki sibakuki, ka antu giggilika, nasibakuka, appaka bellai pangngai – appakambani pangngurisi, angngurangngi passari’battangngan. Appalesangi barakka.
Ikatte kara’karaenga tau annaggalaka jama-jamang, tau niaka pangka’na. Teyaki tampo teayaki takabboro. Tubaraniya teaki appariyoloi, tau ga’gaya teyaki borro ero’ nikana.
Sari’battanku akkusianga anggaukanga ibadah, tumassam-bayangnga, tuma’ puasanya teyaki ia ero nicini, attayang nipuji ni rampe-rampe nipale’-palece. Nari sesena tau angngassenga teaki lammoro takkaluppa. Inga’-ingakki kikkale tutu ri sala iyanna gau, nai katte muballika, tau abbicaraya, guru-gurua, taki abballe-ballei teaki abbali-ballangi, nasaba sikalijaki abballe-balle situ tu’ nani umurutta, tani paracaya.
Lanri kammanna minjo, nakuppasammo rikatte, sangkamma pattonko kana tea’ laloki tatappa rijunnuka nasatinjaya kasingara’nai’ antu sambayang lima-wattua.
Manna junnu nasatinja, kataena sambayanta rugiji sallang, kasambayang kibattui. Rugiji palwng riyanja, tallang lebba tamammumba, tamang gaukang parallu empo rilino. Sapupalaki riyanja taena kabuntulanna ritatappa’nu risambayang lima wattu. Tappakamo’ anrong guruang nungngunjungi rinia’nu numannojengang panynyomba rikaraengnu takadderangi tubunu risara’ lebba janjinnu numappiso’na atta’gala rikaraengnu. Ingka kau tukammaya iyakana iyagau nutea lalo sisa’la kuntu tojennu.
Saribbattan malabbirikku bura’ne-baine.
Kokohkan ukhuwah islamiya antra sahabat, tetangga, anak yatim-piyatu, sipakir miskin dengan sikaya, orang tua dengan anak, pemimpin dengan sirakyat, dibaya panji – panji Allahu Akbar, dan keadilan yang dilandasi iman dan taqwa sebagai modal yang utama, demi terwujudnya idaman cita bersama adil dan makmur. Badatun Thoibatun warabbung gafur.
Allahumma ya’Allah jadikanlah anak-anak kami generasi penerus yang shalih yang berjihad di jalan-Mu untuk menegakkan kalimat-Mu.
Allahumma Ya Allah, jadikanlah wanita-wanita kami sebagai hamba-hamba yang shalihah, yang senantiasa menutu auratnya ( mamakai jilbab ) selalu manjaga kehormatan diri dan keluarganya sebagaimana yang telah engkau tancapkan sifat itu kepada Syaidah Sitti Fatimah Az –Zahra.
